Nordeus Hackathon 2011 – Белград

Nordeus како еден од најуспешните стартапи во Европа, награден со “Best Gaming Start-up на Europas Awards 2011” и креатор на игра која што достигна 1,000,000 посетители дневно на Facebook, огранизира Hackathon, или 24-часовен натпревар во програмирање на игри во неколку платформи (меѓу побитните Python, Ruby, Java/Android). Подетални информации може да најдете на следниот линк. Настанот е закажан за 23ти Декември, а пријавувањето трае, односно е продолжено до 9ти Декември.


За секој учесник ќе биде обезбеден превоз, како и храна и смештај во просториите на Nordeus во Белград (потврдено од нивниот PR менаџер). Може да се пријавите како индивидуалец или во тим. Има вредни награди и сигурно дека ќе биде интересно искуство. Може да користите нивни хардверски/софтверски ресурси или може да си носите свои лаптопи. Може да побарате и помош од нивните инженери и имате целосна слобода на пристап кон решавање на зададените проблеми. Ќе имате пристап и до нивните соби за забава, така да, сигурно нема да ви биде досадно. Погледнете го видеото да видите за што станува збор:


Секој заинтересиран може да се пријави, како што споменав, најкасно до 9ти Декември на следниот линк: http://www.nordeus.com/hackathon2011 Ако имате дополнителни прашања пишете, ќе се потрудам да добијам одговори.

Advertisements

Излезе Fedora 16 Alpha

Кога станува збор за cutting edge технологија, односно примена на истата во оперативниот софтвер, мислам дека голем дел од вас ќе се сложат дека Fedora проектот завзема значајно место со нивната примена. Имено, пред неколку дена, поточно на 23 Август, излезе Alpha верзијата на Fedora 16, која е насловена едноставно, Верн (Verne) во чест на големиот писател Жил Верн. Бета верзијата е закажана за 27 Септември, додека пак финалната верзија треба да се појави на 1 Ноември, но секако датумите може да претрпат промени, а доколку ве интересира, распоредот за излегување на Fedora 16, може да го погледнете на следната локација.

Верзијата е во рана фаза на тестирање, но сосема задоволително функционира судејќи според неколкудневното користење. Една од поважните новини кои што вреди да се споменат е дека Fedora 16 доаѓа со најновата верзија во Linux kernel дрвото, односно 3.0.0-1, со надградба на 3.1rc4 во нивниот testing репозиториум. Дури и озогласениот менаџер на пакети од Fedora – yum се чини дека функционира побрзо од обично. Дистрибуцијата ја тестирав на Lenovo ThinkPad Edge 13, верзијата со AMD процесор, и може да кажам дека сѐ функционираше out-of-the-box. Дури и проблематичниот драјвер за безжичната картичка rtl8192ce (bgn, mini pci, realtek) функционира подобро, без рандом влегувања во kernel panic мод (барем до сега) при вообичаени операции со истата. За оние сопственици на ваква картичка заинтересирани за penetration testing, може да ве израдувам и дека конечно работи packet injection функционалноста, но за тоа другпат.

Alpha изданието може да го спуштите од овде, каде што се наоѓаат и неколкуте спинови на дистрибуцијата, односно Gnome 3.2 – default десктоп околина, KDE, LXDE и XFCE, а дневни, односно ноќни билдови, може да најдете овде. Јас, како љубител на KDE десктоп околината, го инсталирав KDE спинот, иако немам ништо против другите. Сепак не сакам да навлегувам во прашањето Gnome vs. KDE и слично, бидејќи и двете околини се на многу напредно ниво и прашање на вкус и навика е која платформа ќе избереш и користиш. Дистрибуцијата доаѓа со моментално најновата компилација, односно KDE SC 4.7.0 нудејќи бројни надградби и нови можности и програми, како на пример новиот десктоп-интегриран IM клиент KDE-Telepathy, кој што не доаѓа со примарниот пакет, бидејќи се уште е во рана фаза на развој, но може да го симнете и инсталирате од download.kde.org. Исто така, подобрена е и манипулацијата со активностите (activities, понапредна форма на виртуелни десктопи), се чини дека побрзо е и преминувањето од една во друга активност (Meta+Tab, наместо Meta+a во Fedora 15 KDE) и понудени
се неколку стандардни предефинирани активности, како што се класичниот folder view и слично.

Во новата верзија, освен нов kernel и десктоп околини дистрибуцијата нуди и други бројни подобрувања и надградби. Дел од новите можности и карактеристики на Fedora 16 може да видите на http://fedoraproject.org/wiki/Releases/16/FeatureList од кои што би ги споменал миграцијата на GRUB2 како ново bootloader решение, GCC Python plugin, Blender 2.5 – напреден софтвер на 3D моделирање, Matahari – колекција од API-а за далечинско управување и мониторинг, чекор напред во миграцијата од systemV кон systemd која што започна со излегување на Fedora 15, унификација и поедноставување на UI-то на програмите за пријавување на проблеми, и многу други.

Доколку сте за напредна cutting edge технологија, стабилна GNU/Linux дистрибуција со голема заедница и сакате да пробате нештно ново, слободно испробајте ја Fedora 16 Alpha верзијата. Јас барем знам дека едвај чекам да излезе конечната верзија, за целосно да може да ја надградам сегашната Fedora 15 Lovelock.

aFridge for Android OS

Во последно време, или поточно последните резултати на светските трендови во полето на мобилната телефонија, односно, поконкретно smart телефоните, Андроид оперативниот систем на Google Inc. завзеде најголем дел од пазарот со околу 33% учество на светско ниво. Успехот на ова платформа, најмногу се должи на нејзината отвореност , растечката заедница и пред се на поволните услови кои ги нуди на самите програмери. Па затоа и aFridge е апликација наменета за Андроид корисниците. Апликацијата всушност претставува виртуелен фрижидер кој што го решава проблемот на магацинско работење, но на сосема различно ниво. Апликацијата е предвидена да ви го олесни секојдневието, превземајќи дел од вашите грижи и помагајќи ви да најоптимално ги искористите производите што ги чувате во вашиот фрижидер.

Како што може да забележите на сликата, корисникот е среќен со неговиот фрижидер, но неможе да спакува и носи со себе секаде, но, со помош на aFridge и тоа задоволство, барем на некој начин, ќе му биде исполнето.

Апликацијата е објавена на Android Market и воедно го имам објавено и кодот на Github под GNU General Public License v3 лиценца за слободно споделување, со што апликацијата станува слободен софтвер.

aFridge има неколку главни функционалности и карактеристики, меѓу кои се, на пример, проверка и предупредување за приближување на датумот на истек на рокот на траење на производот, чување на историја на промени и користење на фрижидерот, дел за запишување на белешки, grid и list поглед на присутните производи и слично. Апликацијата може директно да ја инсталирате, скенирајќи го следниот QR код со вашиот омилен читач, кој што ќе ве пренасочи директно кон страната на апликацијата на Android Market. Се надевам дека апликацијата ќе ја најдете за корисна и за сите забелешки, критики или пофалби, пишете во коментарите.